TALO LANTEGIA IRRINTZI AEK EUSKALTEGIAN

Hauxe gure goizeko A2-B1 taldeak egindako kronikatxoa! 🥰🥰🥰

Astelehenean, urtarrilaren 16an, talo lantegia egin genuen Ekotalo ren eskutik. Hasi baino lehen hiru bideo ikusi genituen taloak nola egiten diren ikusteko. Osagaiak, orea nola egiten den, nola erre taloak… 

Bideoak bukatutakoan, lantegia eman zigun Julenengana joan ginen. Berak orea egina ekarri zuen, eta bolatxoak egin zituen. Julenek guri ore xaflak ongi egiteko aholkuak eman zizkigun. 4X4 teknika erakutsi zigun. Azalpenak entzun bitartean, txingarra eta txistorra plantxan erretzen ari ziren.

Ondoren, plantxan taloak jarri eta erre genituen. Segidan, musuzapi bat hartu genuen taloa jateko. Barruan txistorra, txingarra, gazta, arrautza saltsa edo nutela sartu genituen. 

Bukatzeko, norbaitek errepikatu nahi bazuen, errepikatu ahal izan zuen orea amaitu arte. 

Irrintzi AEK euskaltegiko goizeko A2-B1 taldea

Gazta tailerra Irrintzi euskaltegian

Hauxe Irrintziko goizeko A2 taldeko ikasleek egindako kronika:

Pasa den ostegunean gazta tailerra egin genuen Irrintzi euskaltegian, Mirian Otxotorenaren eskutik. Oso interesgarria izan zen eta gazta freskoa, mamia eta gaztanbera egiten ikasi genuen. Eta dastatu genituen! Oso onak zeuden, eta klasea ezberdina egiteko eta gure herriko kultura ezagutzeko balio digu. Oso ongi pasatu genuen, gazta biziki gustatzen zaigulako! Hau ikasi genuen:

GAZTA FRESKOA
Lehenik eta behin esnea lapikoan jarri behar da eta 30 gradutan berotu behar dugu. Ondoren, gatzagia botako dugu esnea “mozteko” eta utziko dugu 40 minutu. Gogor dagoenean zatitu eta iragazi behar dugu, gatzura kentzeko. Azkenik, zapi batekin estali eta zapalduko dugu eta kitto, jateko prest!

MAMIA
Lehenik eta behin esnea jarri behar duzu lapikoan eta berotu 40 gradutan. Ondoren, edalontzietan banatu eta 4 tanta gatzagi bota bakoitzean eta 15 minutu utzi reposoan. 15 minutu pasa direnean, eztia edo azukrearekin jan dezakezu!

GAZTANBERA
Gatzura berotu behar dugu 85 gradutan, eta nahastu. Gero sutatik kenduko dugu eta 15 minutu utziko dugu reposoan. Zati batzuk gogor geratuko dira, eta gasa batekin iragaziko ditugu beste ontzi batean. Itxoin pixka bat hoztu arte eta jan!

Jenisjoplin – Liburu gomendioa

Astelehen goiza zen eta Artxandara gindoazen autoz. Azken egunak zituen 2010eko udak.

— Azkuna alkatea bezala, Bilbo gu gabe nola dagoen ikustera!

Umorea zuen Irantzuk larritasunean ihesbidea. Autoaren atzealdean bi neskok, aurrean mutilak: Karra txofer eta alboan Luka. Lau gazte genirudien, mendi-buelta egiteko ideiarekin; Lukak prestatutako patata-tortillaren usainak areagotu egiten zuen sentipen hura.

Sinopsia: Protagonista, Nagore Vargas, laurogei hamarkadan jaiotako gazte indartsua da, bizitzak zaildua. Era berean, pertsonaia bere inguruarekin engaiatua dago eta horren bidez, horren kronika erakutsiko dio irakurleari.

Urtarrilaren 31n, Berriozarreko Auzalor AEK euskaltegian, karikatura tailerra eginen dugu

Urtarrilaren 31n, Berriozarreko Auzalor AEK euskaltegian, karikatura tailerra eginen dugu Aritz Aroskoa Mosoren eskutik.

Auzalor euskaltegian ere, Iruñerriko hainbat tokitan bezala, euskara ikasi nahi dugu. Horretarako, astelehen, astearte, ostegun eta ostiraletan A1ekook 15:00etatik 16:30etara eguzki plazan dagoen Auzalor AEK euskaltegian elkartzen gara. Talde ederra gara.  Urrian hasi ginen eta gure taldea urrian baino handiagoa eta euskaldunagoa da, bai horixe! Egunero egunero euskara ikasteko, hobetzeko eta praktikatzeko indar eta ilusio handiarekin joaten gara euskaltegira eta kalean ere poliki-poliki geroz eta gehiago hitz egiten dugu euskaraz.

Euskara ikasteko gauza asko egiten dugu klasean; gure artean hitz egiten dugu, audioak entzuten ditugu, barre egiten dugu, irakurtzen dugu, gure artean eztabidatzen dugu, hanka sartzen dugu, idazten dugu, jolasten gara, hau da; edozeinek egunero egiten duena, ezta? Euskara ikasteko euskaraz bizi!

Urtarrilaren 31n eskola ezberdina eginen dugu, urtarrilaren 31n euskaraz aritzeko beste modu bat izanen dugu. Urtarrilaren 31n karikatura tailerra eginen dugu Aritz Aroskoa Mosorekin. Euskaraz gozatzen jarritzeko, jende euskaldun gehiago ezagutzeko eta geure buruaz barre egiteko! Etorri nahi?

Salsa lantegia “rueda cubana”

Hau giroa sortu zena atzo salsa lantegian!  Igande arratsaldean irrintzin hainbat lagun aldakak eta Caribetar erritmoak lagundurik, Ibai eta Ainarak markatutako erritmoak segituz, “rueda cubana” izeneko estiloan, guztien koordinazioa eskatzen duen dantza mota honek, arrakasta itzela izan zuen. Honek segida izan behar zuela aipatu zuten guziek. Erritmoa ez dadila eten! Gora salsa euskalduna!

Salsa lantegia

Joan den ostiralean zenbait lagun bildu ginen Salsa ikasi eta tarte on bat pasatzeko. Egia da Ainara, gure irakaslea, dantzatzen ikustean dena zailegia zirudiela. Baina behin martxan jarrita, erritmo eskasa genuenok ere itxurak egin genituen. Zer irakasle ona! Zer irriak! Guziok dantzan eta oinarrizko pausuak ikasten 1,2,3-5,6,7. Aurrera eta atzera, eskuin-ezker, bira alde batera eta orain bestera. Giro ederra sortu zen Ainarak emandako irakaspenekin. Motz geratu zitzaigun ordu beteko eskola trinkoa. Guziok aipatu genuen honi segida eman behar diogula, gogoa dagoela ezin ukatu eta horrela bada,hurrengo bat egonen da laster. Hurrengoan  zuk  ere  guk  bezala ikasi eta salsaz gozatu!

Mintzosteguna Otsailak 21

2019ko mintzostegunak sasoiko hasi ditugu. Jendeari  mintzatzeko gogoa ez zitzaion faltatu. Zenbat lagun berri eta solasaldi  interesgarri! Segi dakizuen hori erabiltzen!

Elur erraketak belaguan

Larunbateko 8etan korralillosen zen hitzordua. Antolatzaileak gogoratu zigun hitzordua aurreko gauan whatsapp bidez, eta txintxo-txintxo egon ginen garaiz 9 lagun, korralillosko zubiaren ondoan. Ia denok geunden… antolatzailea izan ezik, lotan geratu zelako. Bere bila joan ginen, eta justu bere etxeko atean, hartu genuen eta Belaguarako bidea hartu genuen.

Eguraldi ederra,ikaragarria zen, eta bazirudien asmatu zutela, 2 gradu azpitik ikusi genuen bidean kotxearen termometroan. Haizerik gabe, eta hodeirik gabe, egun izugarria edukiko genuela adierazten zuen denak.

Belaguako Angel Olorón aterpean, elkartuko ginen beste 3 lagunekin, Izaban egin baizuten gaua pasa. Behin espidizioa bilduta, gure Koiote hasi zen ibilbidea.

Ze ikuspegi ederrak, ze eguraldi ona, ze giro zoragarria, ze jende jatorra!… Pausoz pauso, poliki-poliki igo ginen Latzagorriren tontorraino, eta han goian, noski hartu genuen gure hamaiketako merezia. Ze ona dagoen dena mendian!

Eguerdian, hasi genuen jaitsiera, eta zenbat erorialdi goxoak  eduki genituen, eta nola barre egin genuen! Zorionez, Koiotek ekarri zuen bere elur pala, eta ia-ia egin zuen eskailera bat tontorretik, autoraino; palarik gabe ez gara deus!!

Elkarrizketa eta barre artean, heldu ginen aterpera berriro, arropak aldatu genituen, arnasa hartu, eta giharrak luzatu genituen. Behin hau dena eginda, jaitsi ginen Belaguako txokora, eta bertan erretserba genuen bazkaltzeko. Plater konbinatuta eta ardo tragotxo bat hartu genuen, indarrak berreskuratzeko, eta elkarrizketa

interesgarriak, dibertigarriak eta sakonak partekatu genituen.

Oraindik elkarrekin egoteko gogoarekin, agurtu genituen gure Izabako lagunak, eta bueltatu ginen Iruñera, beraz 7ak aldera, denok geunden etxean.

Ze poztasuna, ze egun ederra, ze giro izugarri ona izan genuen… eta gainera euskeraz!…. errepikatzeko!

Eneko Gomez

Esker mila barnetegi zoragarri honengatik!

LESAKA

LEKAROTZ

Irunerriko Gaupasa

Pasa den ostiralean, urtero bezala Iruñerriko Gaupasa egin genuen Arrosadiako San Fermin Peñan. Motorrak berotzeko, afaria hasi baino lehen ikasle eta irakasleok lehen potea hartu genuen Peña San Fermin ondoan dagoen Bodegan, bertan Iruñerriko talde guztietako jendea zegoelarik. Peñan sartzean mahaiak jadanik prest zeudela ikusi genuen eta presaka badaezpada, lekuak gorde genituen jende pilo bat zegoelako. Eseri ondoren platerak ailegatu ziren, lehenengoa txorixu egosia zen eta gero nola ez makailu tortilla, biak primerakoak ziren, goxo-goxoak. Dexente itxaron behar izan genuen baina dudarik gabe merezi izan zuen, azkenean gure zerbitzari jatorrak txuletoia ekarri zigun, oso ona , txalo bero bat!!

Afaria bukatutakoan aurten lehenengo aldiz euskara ikastera animatu diren ikaskide berriei ongi etorria eman genien. Haien lehenengo gaupasa izan zen eta zorionak eman behar dizkiegu lan polita egin zutelako mahaiak zerbitzatzen eta beti saiatzen zirelako dena euskaraz egiten, benetan ederki aritu ziren.

AEKko ekitaldietan ohikoa denez, zozketa mundiala egin genuen eta batzuek sari ederrak jaso zituzten. Mahaiak txoko batera eraman eta bat-batean DJ Bull hasi zen musika jartzen, orduan jendea dantza egiten hasi zen eta parranda zoragarria egin genuen, jakin dugunez batzuek dezente luzatu zuten gaua, giro ederra zegoen eta euskaraz aritzeko aukera paregabea izan zen. Beraz hurrengo urtean espero dugu zuek berriz ikustea.

Urte berri on lagunok!

Irunezar euskaltegiko B.1 mailako ikasleak